პარტია “მოქალაქეების” გურიის მაჟორიტარობის კანდიდატის წარდგენა

“ ალეკო ელისაშვილი – მოქალაქეებმა” დღეს, ოზურგეთის, ჩოხატაურის და ლანჩხუთის მაჟორიტარობის კანდიდატად 32 წლის უროლოგი ოთარ ქერქაძე წარადგინა.

ქერქაძე ლანჩუთში 1988 წელს დაიბადა და წმ. იოანე ნათლისმცემლის სახელობის სასულიერო გიმნაზია დაამთავრა. 2011 წელს სამედიცინო უნივერსიტეტის დამთავრების შემდეგ დიპლომირებული მედიკოსის აკადემიური ხარისხი მიენიჭა. 2012 წელს კი ივანე ჯავახიშვილის სახელობის თბილისის სახელმწიფო უნივერსიტეტში უროლოგიის სარეზიდენტო პროგრამაზე ჩაირიცხა. რეზიდენტურაში სწავლის განმავლობაში მონაწილეობდა ევროპის უროლოგთა ასოციაციის ყოველწლიურ კონგრესში(2014 – სტოკჰოლმი, 2015 მადრიდი, 2018 კოპეჰანგენი) . ოთარ ქერქაძე ჩართული იყო სხვადასხვა არასამთავრო ორგანიზაციების მიერ ჩატარებულ ღონისძიებებში. 2015 -2016 წელს ბუდაპეშტში მონაწილეობდა ევროკავშირის პროექტში “პიროვნების განვითარების კურსები“. 2019 წლის იანვრიდან, დღემდე ეწევა დამოუკიდებელ სამედიცინო საქმიანობას გურიაში და დღეიდან იგი გურიის ოლქის მაჟორიტარობის კანდიდატია. “მეამბოხე გურია 31 ოქტომბერს ღირსეულ არჩევანს გააკეთებს, განათლებულ, წესიერ, შრომისმოყვარე ახალგაზრდა კაცს ოთარ ქერქაძეს ანდობს საკუთარი ინტერესების დაცვას საპარლამენტო ტრიბუნასთან. ეს ის კაცია ვისაც არაერთმა გურულმა საკუთარი ჯანმრთელობა და სიცოცხლე ანდო, ახლა დროა ნდობა ამ არჩევნებზე გამოუცხადონ, რომ გურულების ინტერესები პარლამენტში ღირსეულად იყოს წარმოდგენილი”- განაცხადა ელისაშვილთმა კანდიდატის წარდგენისას.