პარლამენტი, პლენარული სხდომის ფორმატში, გენერალური პროკურორის მომართვის საფუძველზე, დეპუტატ ნიკა მელიას სადეპუტატო იმუნიტეტის შეჩერების საკითხს იხილავს.
პროკურორი ამირან გულუაშვილი დეპუტატებს გენერალური პროკურორის შესაბამის მიმართვას აცნობს, სადაც წარმოდგენილია ის სამართლებრივი გარემოებები, რის საფუძველზეც გენერალური პროკურატურა პარლამენტს მელიასათვის დეპუტატის იმუნიტეტის შეჩერების მოთხოვნით მიმართავს.
პლენარულ სხდომამდე საპროცედურო საკითხთა და წესების და იურიდიულ საკითხთა კომიტეტების გაერთიანებული სხდომა გაიმართა, სადაც მხარი დაუჭირეს მელიასათვის დეპუტატის იმუნიტეტის შეჩერების საკითხს.