პარლამენტთან გამართულ პირველი კონსტიტუციის 100 წლის იუბილის აქციაზე აქტივისტები დააკავეს. აქციის მონაწილეები პარლამენთან კარვის გაშლას აპირებდნენ, რისი საშუალებაც მათ პოლიციამ არ მისცა. სამართალდამცველებმა რამდენიმე აქტივისტი დააკავეს. ტაბულას ინფორმაციით, მათ შორის არის გიორგი მუმლაძე.
აქციის ორგანიზატორები წერენ, რომ “დღეს თითქოს შეკრების თავისუფლება ფუნდამენტური უფლებაა, ისევე როგორც 100 წლის წინათ, მაგრამ ჩვენ გვიწევს დავამტკიცოთ, რომ ნამდვილად ასეა”.
“100 წლის მერეც არ არის დაცული 1921 წლის კონსტიტუციის 33-ე მუხლი: “საქართველოს რესპუბლიკის მოქალაქეთ უფლება აქვთ მთავრობის ნებადაურთველად შეიკრიბნენ საჯაროდ და უიარაღოდ, როგორც ჭერქვეშ, ისე გარეთ.”
100 წლის მერეც, ჩვენს კონსტიტუციაში შეკრების თავისუფლება ადამიანის ფუნდამენტური უფლებაა: “ყველას აქვს წინასწარი ნებართვის გარეშე საჯაროდ და უიარაღოდ შეკრების უფლება.”(მუხლი21)
100 წლის მერეც ჩვენი კონსტიტუცია ეყრდნობა 1921 წლის კონსტიტუციის ისტორიულ-სამართლებრივ მემკვიდრეობას. ეს არის ჩვენი სამოქალაქო განაცხადი! თუმცა, ხელისუფლება ჯიუტად არღვევს მას”. – წერია განცხადებაში.
Loading ...