პარლამენტის შენობის წინ მიმდინარე აქციაზე რამდენიმე წუთის წინ კარვების გაშლა დაიწყეს. აქციის მონაწილეების განცხადებით, ისინი პარლამენტის წინ იქნებიან მანამ, სანამ მათი მოთხოვნა _ არჩევნების პროპორციულ სისტემაზე გადასვლა არ შესრულდება.
ისინი, ასევე, ითხოვენ, რომ პროპორციულ არჩევნები გარდამავალი მთავრობის პირობებში უნდა ჩატარდეს.
„ვიდრე ეს არ მოხდება, არ დავიშლებით“, – აცხადებენ აქციის მონაწილეები.
შეგახსენებთ, რომ პროპორციულ საარჩევნო სისტემაზე გადასვლასთან დაკავშირებით, საპარლამენტო უმრავლესობის მიერ მომზადებულმა საკონსტიტუციო ცვლილებებმა პარლამენტში დღეს პირველი მოსმენით კენჭისყრაზე ხმების საკმარისი რაოდენობა ვერ მიიღო, რასაც ოპოზიციური პარტიების მობილიზება და აქცია მოჰყვა.
ამ დროისთვის რუსთაველის გამზირი გადაკეტილია.
კომენტარები
Loading ...