ორ წლამდე ბავშვებში ნიღბის გამოყენება არ არის რეკომენდებული, ამიტომ ვეცადოთ, ბავშვების გარემო იყოს რაც შეიძლება ჯანსაღი

ორ წლამდე ასაკში ნიღბის გამოყენება არ არის რეკომენდებული, სწორედ ამიტომ, ვეცადოთ, რომ ბავშვების გარშემო გარემო იყოს რაც შეიძლება ჯანსაღი, – ამის შესახებ დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელმა, ხათუნა ზახაშვილმა საქართველოს პირველი არხის გადაცემა „მოამბეში“ განაცხადა.

რეკომენდაციებზე საუბრისას ხაზაშვილმა აღნიშნა, რომ მოსახლეობა უნდა ეცადოს, დისტანცია დაცული უნდა იყოს ნებისმიერ გარემოში, განსაკუთრებით დახურულ სივრცეებში.

„რეკომენდაციები რჩება იგივე, რაც გულისხმობს იმას, რომ დავიცვათ ერთმანეთს შორის დისტანცია და ეს დისტანცია უნდა იყოს მინიმუმ ერთი მეტრი. როგორმე უნდა ვეცადოთ, რომ დისტანცია დაცული უნდა იყოს ნებისმიერ გარემოში, განსაკუთრებით დახურულ სივრცეებში, ღია სივრცეებში დისტანცია. ერთმეტრიანი შეიძლება ჩაითვალოს ნორმალურად, მაგრამ ერიდეთ ხანგრძლივ პირისპირ საუბარს, განსაკუთრებით თუ არ გიკეთიათ ნიღაბი. ან თუ თქვენი თანამოსაუბრე არის ავად, აქვს ხველა, ამჩნევთ რომ მისი ჯანმრთელობის მდგომარეობა არც ისე მომხიბლავად გამოიყურება, განსაკუთრებით მოვუფრთხილდეთ პატარა ბავშვებს. ორ წლამდე ასაკში ნიღბის გამოყენება არ არის რეკომენდებული, და სწორედ ამიტომ ბავშვების გარშემო გარემო ვეცადოთ რომ იყოს რაც შეიძლება ჯანსაღი. ეცადეთ დაიცვათ დისტანცია, კი ბატონო, ისეირნეთ, გაბრძანდით გარეთ, მაგრამ ჰიგიენის წესებისა და ამ ეტიკეტის დაცვა, რასაც ჰქვია დისტანცირება, არ დაგავიწყდეთ“, – განაცხადა ზახაშვილმა.