ორ ლანჩხუთელ მამაკაცს კორონავირუსი არ დაუდასტურდათ

გურიის რეგიონიდან ფოთის  ცხელების ცენტრში გადაყვანილ ორ პაციენტს – 87 და 75 წლის მამაკაცებს კოვიდ 19 არ დაუდასტურდათ. კორონავირუსი არ დაუდასტურდა კიდევ სამ პაციენტს. ექიმების შეფასებით, ყველა მათგანის ჯანმრთელობის მდგომარეობა დამაკმაყოფილებელია. ,,დღეს დილით მივიღეთ პასუხები. ცნობილი გახდა, რომ ჩვენს კლინიკაში მოთავსებულ პაციენტებს კორონა ვირუსი არ აქვთ. ესენი არიან 87 და 75 წლის მამაკაცები ლანჩხუთიდან, 33 წლის ქალი, ერთი წლის და ასევე, 11 თვის ბიჭები ფოთიდან. ნაწილი გაეწერება კლინიკიდან, ნაწილი კი მდგომარეობის შესაბამისად გაიგზავნება შემდგომი მკურნალობის მიზნით.”,– განაცხადა ჰოსპიტლის დირექტორმა, თეა მიგინეიშვილმა.