თელ-ავივში, ბენ-გურიონის აეროპორტში დააკავეს საქართველოს ორი მოქალაქე, რომლებიც თავს ორთოდოქს ებრაელებად ასაღებდნენ და ისრაელში უკანონოდ შესვლას ცდილობდნენ – ინფორმაციას ისრაელის მედია ავრცელებს.
შემთხვევა 18 ნოემბერს, შაბათის დადგომის შემდგომ მოხდა. მედიის ინფორმაციით, საქართველოს მოქალაქეებს ისეთივე თავსაბურავები ეკეთათ, როგორც ორთოდოქს ებრაელ ქალებს და ტანსაცმელიც მათი მსგავსი ეცვათ. ისრაელის სასაზღვრო პოლიცია დაეჭვდა, რადგან ორთოდოქსი ებრაელები შაბათის დადგომის შემდეგ არ დაფრინავენ – ეს მათთვის რელიგიური წესის დარღვევაა.
მედიის ინფორმაციით, დოკუმენტების დაზუსტებისა და გადამოწმების შემდეგ, ისრაელში შესვლაზე ორივეს უარი ეთქვა და საქართველოში გამოაძევეს.
კომენტარები
Loading ...