ორი ადამიანი გარდაიცვალა, ორი კი დაშავდა ავტოსაგზაო შემთხვევის შედეგად ბათუმში

ავტოსაგზაო შემთხვევა ბათუმში. ერთმანეთს სატვირთო და მსუბუქი ავტომობილი შეეჯახა. ინციდენტი ბარცხანის ხიდის მიმდებარე ტერიტორიაზე მოხდა.

თვითმხილველის ინფორმაციით, შედეგად, 2 ადამიანი გარდაიცვალა, მათგან 1 ადგილზე დაიღუპა.

“მსუბუქი ავტომობილი გადაჭარბებული სისწრაფით მოძრაობდა, სატვირტო მანქანა ადიოდა ბარცხანის ხიდზე და ქალაქიდან მიმავალი მსუბუქი შეეჯახა. 2 ადამიანი გარდაიცვალა, ახალგაზრდა ბიჭები, ერთი 21 წლის არისო იძახდნენ”, – ამბობს თვითმხილველი.

ინციდენტისას, დაშავდა კიდევ 2 ადამიანი. ისინი ბათუმის რეფერალურ საავადმყოფოში გადაიყვანეს.

“2 პაციენტი გადავიყვანეთ რეფერალურში, ტრავმული შოკით, უტარდებათ გამოკვლევები”, – ამბობენ სასწრაფო სამედიცინო დახმარების ცენტრში.

წყარო: tv25.ge