ომარ ოკრიბაშვილისა და საბა მეფარიშვილის საქმეზე საპროცესო შეთანხმება შედგა

რუსული კანონის საწინააღმდეგო  აქციებისას   ძალადობრივი მეთოდებით დაკავებულ ორი აქტივისტს, ომარ ოკრიბაშვილისა და საბა მეფარიშვილის საქმეზე საპროცესო შეთანხმება შედგა. არსებული ინფორმაციით, მხარეები 18 თვიან პატიმრობაზე შეთანხმდნენ.

პროცესი თბილისი საქალაქო სასამართლოში რამდენიმე წუთში უნდა დაიწყოს. გადაწყვეტილებას მოსამართლე ნინო გუდაძე მიიღებს.

რუსული კანონის საწინააღმდეგო  აქციებისას   ძალადობრივი მეთოდებით დაკავებულ ორივე აქტივისტს პროკურატურა პარლამენტის  400-ლარიანი ჯებირის ჯგუფურად დაზიანებას ედავება.  ახალგაზრდები უკვე 8 თვეა პატიმრობაში არიან. ისინი 2024 წლის 14 მაისს დააკავეს.