20 დეკემბრის ღამეს ოზურგეთში უხვი ნალექი მოვიდა. უამინდობა და ძლიერი თოვა ამ წუთებშიც გრძელდება მუნიციპალიტეტის მთელს ტერიტორიაზე. ძლიერმა თოვლმა მთელი რიგი პრობლემები შექმნა მუნიციპალიტეტის თითქმის ყველა სოფელში და ქალაქ ოზურგეთში. მოსახლეობის უმრავლესობას არ მიეწოდებოდა ელექტროენერგია, ინტერნეტი და არ იყო წყალი. აღნიშნული პრობლემა უმეტეს ტერიტორიულ ერთეულში ახლაც მოუგვარებელია. დაზიანებულია როგორც ელექტრო ასევე ინტერნეტის საკაბელო ხაზები. როგორც ოზურგეთის მუნიციპალიტეტის პრესსამსახურიდან გვაცნობეს, მერიის შესაბამისი სამსახურები დილიდან მობილიზებული არიან და მაღალი გამავლობის ტექნიკით წმენდენ გზებს. მათი ინფორმაციით ძლიერ თოვას არ დაუზიანებია საცხოვრებელი სახლები და არ ჩაუხერგავს გზები. მათ მიერ მოწოდებულ ვიდეომასალას უახლოეს საათებში მოგაწვდით.
Loading ...