ოზურგეთში ღვინის ტური ''ჩხავერის ისტორია'' მოეწყო

ოზურგეთის მერიის ტურიზმის განყოფილების ინიციატივით ღვინის ტური – სახელწოდებით ,,ჩხავერის ისტორია“ მოეწყო.იმერეთისა და აჭარის სხვადასხვა ტურისტული კომპანიის წარმომადგენლები და გიდები უძველესი გურული ვაზის ჩხავერის ისტორიას გაეცნენ.

ინფოტურის მონაწილეებმა სოფელ მთისპირში ,,ოქროს ქედის ვენახებში“ ჩხავერის პლანტაციები დაათვალიერეს და ყურძნის კრეფის პროცესში მიიღეს მონაწილეობა .
ღვინის გზაზე სტუმრებს საოჯახო სასტუმრომ  INGA’S GARDEN – ,, ნიკო მამასახლისმა“ უმასპინძლა, სადაც მამა-პაპისეული მარანი მოინახულეს და სამეურნეო პროცესს გაეცნენ.

ტურის მონაწილეებმა ასევე დაათვალიერეს სოფელ შემოქმედში მეწარმე ანდრო ვაშალომიძის სადემონსტრაციო ნაკვეთი და ილია ჩხატარაშვილის ახალაშენებული მარანი.