ოზურგეთში, სტიქიით დაზარალებულ სოფლებში აღდგენითი სამუშაოები გრძელდება

ოზურგეთის მუნიციპალიტეტში სტიქიით დაზარალებულ სოფლებში აღდგენითი სამუშაოები გრძელდება. მუშაობს ცხელი ხაზი: 577 601 304.

მიმდინარე სამუშაოების შესახებ ინფორმაციას ოზურგეთის მერიის პრესსამსახური ავრცელებს.

„ სოფელ შრომაში, ზედუბანში მიმდინარე სამუშაოები მოვინახულე. გზა უკვე გავხსენით ოხოჯურის უბანშიც და ჩვენს თანამოქალაქეებს გადაადგილების მხრივ არანაირი პრობლემა არ ექნებათ. ასევე, აქტიურად განვაგრძობთ დაზარალებული მოსახლეობისთვის საკვები პროდუქტების, მედიკამენტებისა და პირველადი მოხმარების ნივთების მიწოდებას,“- აღნიშნა ოზურგეთის მერმა.