ოზურგეთის მუნიციპალიტეტის, სოფელ ჯუმათში ხანძრის შედეგად ენვერ მითაიშვილის საცხოვრებელი სახლი დაიწვა.
გავრცელებული ინფორმაციით ხანძარი ელექტროსადენისგან გაჩნდა. ხანძრის შედეგად საცხოვრებელი სახლი (ბელეტაჟის ტიპის) მთლიანად დაიწვა.
საბედნიეროდ ხანძარს, რომელიც დაახლოებით 19 სთ მოხდა მსხვერპლი და ადამიანების დაზიანება არ მოჰყოლია. ცეცხლი იმდენად მასშტაბური და სწრაფი იყო , რომ სამაშველო ბრიგადამ სახლი ვერ გადაარჩინა და ის ფაქტობრივად მთლიანად დაიწვა.
როგორც სოფელ ჯუმათში მერის წარმომადგენელმა ოლეგ ჩხარტიშვილმა გურიაTV-ს უთხრა, ამ წუთებშიც ადგილზე მობილიზებულია სახანძრო – სამაშველო და სასწრაფო-სამედიცინო დახმარების სამსახურები. მისივე თქმით, 67 წლის ენვერ მითაიშვილი თებერვლის თვიდან, როცა ოზურგეთში დიდთოვლობას სტიქია მოჰყვა, საცხოვრებელი სახლის სახურავის დაზიანების გამო , მეზობლად მდებარე ძმის სახლში ცხოვრობდა.
Loading ...