ოზურგეთში, სასამართლოს წინ მოქალაქე თამთა ჟვანიამ კარავი გაშალა და პროტესტის ნიშნად სასამართლოსთან ყოფნას იქამდე აპირებს, ვიდრე სამართლიანობა არ აღდგება.
საქმე ეხება ჟვანიას მცირეწლოვან შვილს, რომელიც ყოფილ ქმართან ცხოვრობს და დედას საშუალება არ ეძლევა შვილი მოინახულოს.
როგორც თამთა ჟვანია ამბობს, ოზურგეთის რაიონულმა სასამართლომ კვლავ გადადო მისი სარჩელის განხილვა, რომელიც ეხება როგორც მცირეწლოვანი შვილის საკითხს, ასევე თამთა ჟვანია ყოფილ ქმარს მისი პირველი ქორწინებიდან გაჩენილ არასრულწლოვან გოგონაზე ძალადობაში ადანაშაულებს.
როგორც ცნობილი გახდა, აღნიშნული საქმის განხილვა ბოლო გადადების შემდეგ ახლა უკვე 12 ივლისს ჩაინიშნა. თამთა ჟვანია სასამართლოსთან ყოფნას აპირებს მანამ, ვიდრე სამართალი არ არსრულდება.
”2 წელია თითქმის ოზურგეთის ტრასაზე ვცხოვრობ! სისხლის სამართლის საქმე რომელიც არასრულწლოვანს ეხება ასე უსასრულოდ გაიწელოს მსგავსი არაფერი მინახავს. სამართლებრივად ვერაფერს მივაღწიე. მოთმინების ფიალა აივსო!
აი ამ სურათზე ხედავთ კარავს და შეფუთულ საძილე ტომარას! გამზადებულია უკვე!
ვერაფერი შემაკავებს უკვე!
ერთადერთი თქვენი მორალური მხარდაჭერა დამჭირდება და ლოცვა 
დიდი მადლობა ყველას’‘ – დაწერა თამთა ჟვანიამ ოზურგეთში წამოსვლის წინ.
კომენტარები
Loading ...
