ოზურგეთში რომელი გზები და სანიაღვრე არხები მოეწყობა 8 მილიონი ლარით – ოზურგეთის საკრებულოს სხდომა

საქართველოს რეგიონებში განსახორციელებელი პროექტების ფონდიდან ოზურგეთის მუნიციპალიტეტს ჯამში 8 მილიონ ლარზე მეტი გამოეყო, რომელიც ქალაქად თუ სოფლად საავტომობილო გზების რეაბილიტაციას მოხმარდება. საუბარია სოფელ ჯუმათში ეკლესიასთან მისასვლელი, ასევე საუბნო გზა, სოფელ ნარუჯაში მე – 5 და მე – 6 ქუჩა, ქალაქის ტერიტორიაზე სულხან – საბას , ლესელიძისა და ჯანაშიას ქუჩაზე სანიაღვრე არხების მოწყობაზე. ექვსი პროექტისთვის რეგ. ფონდიდან 8 მილიონ ლარზე მეტი გამოიყო. აღნიშნულის შესახებ ოზურგეთის საკრებულოს სხდომაზე დეპუტატებს მერის მოადგილემ , გიორგი ღურჯუმელიძემ მიაწოდა ინფორმაცია. მერის მოადგილემ 2024 წლის მესამე კვარტლის ბიუჯეტის შესრულების ანგარიშიც წარადგინა. მესამე კვარტლის მონაცემებით ბიუჯეტი 76 % შესრულებული. საკრებულოზე დღეს 5 საკითხი განიხილეს. სხდომას ოპოზიციონერი დეპუტატებიც ესწრებოდნენ. თუმცა, მათ მოგვიანებით ახლადდასახელებული პრეზიდენტობის კანდიდატზე რეპლიკების შემდეგ სხდომა დატოვს.