ოზურგეთში ჟურნალისტ ნატო გოგელიას სახლი დაარბიეს

ქალაქ ოზურგეთში ტელეკომპანია პირველის კორესპონდენტის, ნატო გოგელიას საცხოვრებელ სახლში ჯერჯერობით დაუდგენელი პირები შეიჭრნენ და დაარბიეს.

დარბეულია საცხოვრებელი სახლის პირველი სართული, როგორც საძინებელი, ასევე სასტუმრო. ჩამსხვრეულია  პირველი სართულის ფანჯრები, დამტვრეულია ავეჯი.

ჯერჯერობით უცნობია, თუ რა არის სახლიდან წაღებული. ამ წუთებში თავად ჟურნალისტი ადგილზე იმყოფება და მიმდინარეობს სახლის დათვალიერება. ადგილზევე ოზურგეთისა და გურიის პოლიციის თანამშრომლები იმყოფებიან.

როგორც თავად ნატო გოგელია აცხადებს ეს უკვე მის საცხოვრებელ სახლზე მეორე თავდასხმაა ბოლო სამი დღის განმავლობაში.

წყარო: გურიის მოამბე