ოზურგეთში კიდევ ერთი საპროტესტო აქცია, კვლავ ოზურგეთის თეატრის მიმდებარედ გაიმართება. აღნიშნულს სამოქალაქო მოძრაობა ”თავისუფლებისთვის” აანონსებს. განცხადებაში წერია, რომ აქცია 10 დეკემბერს, 14 საათზე ჩატარდება.
”რეჟიმი გვკლავს! რეჟიმი გვატერორებს! რეჟიმი გვიჭერს და გვაწამებს!
10 დეკემბერს, 14:00 საათზე, ვიკრიბებით ოზურგეთის დრამატული თეატრის წინ, მოედანზე.
გამოდი!” – ნათქვამია განცხადებაში.
შეგახსენებთ, რომ ბოლო ათი დღეა, საქართველოს სხვა რეგიონებთან ერთად საპროტესტო აქციები გურიის რეგიონშიც იმართება. მოქალაქეები ხელისუფლების ქმედებებს და რუსთაველის გამზირზე ადამიანების დაკავებებსა და ძალადობას აპროტესტებენ ოზურგეთში, ლანჩხუთსა და ჩოხატაურში. გაიმართა როგორც საპროტესტო აქციები, ასევე მსვლელობები. აქციები გაიმართა ახალგაზრდების ორგანიზებითაც.
კომენტარები
Loading ...
