ოზურგეთის მუნიციპალიტეტის სოფელ შრომაში გუშინ ჩატარებულმა მოსახლეობის მასობრივმა ტესტირებამ კორონავირუსის 6 დადებითი შემთხვევა გამოავლინა. მათ შორის არის ორი მცირეწლოვანი, 2 და 3 წლის გოგონები, რომლებსაც ვირუსის კლინიკური გამოვლინებები აღენიშნებოდათ და სპეციალისტებმა მათი ბათუმში,კოვიდკლინიკებში გადაყვანის გადაწყვეტილება მიიღეს. სოფელ შრომაში გამოვლენილი ექვსივე შემთხვევა კვლავ 8 მარტის აღსანიშნავი სუფრის კლასტერს უკავშირდება. შრომაში უკვე საერთო ჯამში ვირუსის 31 შემთხვევაა. სოფელში ეპიდკვლევა დღესაც გრძელდება და მოსახლეობის მასობრივ ტესტირებას თერმოსკრინინგიც დაემატება.
კომენტარები
Loading ...