ოზურგეთის კლინიკა ”მედალფას’ დირექტორის დავით მდინარაძის განცხადებით, არსებობს საფუძვლიანი ეჭვი, რომ ოზურგეთში კოვიდით დაინფიცირებული ადამიანები ქალაქში თავისუფლად გადაადგილდებიან. ექიმი ყველა მოქალაქეს სამოქალაქო პასუხიმსგებლობისკენ მოუწოდებს.
”მოქალაქეები ვერ ითავისებენ, რასთან გვაქვს საქმე. ხშირად როცა ქალაქში დავდივარ, ეჭვი მრჩება, რომ დადასტურებული შემთხვევები ქალაქში მოძრაობენ და გადაადგილდებიან, ვხედავ მათ საზოგადოებრივი თავშეყრის ადგილებში, ვხედავ მაღაზიებში, სუპერმარკეტებში, რაც დაშვებელია და არანაირად არ შეიძლება, მაგრამ მოსახლეობის ამ რაოდენობას ვერავინ ვერ გააკონტროლებს, ეს შეუძლებელია. არანაირი რესურსი ამისი არ არის, რომ ყველა დადასტურებული შემთხვევის მქონე ადამიანს ვინმე დარაჯად დაუდგეს და სახლიდან გასვლა აუკრძალოს, სანამ არ იქნება მოქალაქეობრივი პასუხისმგებლობა, უფრო ცუდ დღეში აღმოვჩნდებით. ადამიანი, თუკი მას დაუდასტურდა კოვიდი, უნდა იყოს სახლში, კოვიდ-სასტუმროში, კლინიკაში ან სადმე იზოლირებული, რომ სხვას არ გადასდოს და არ დააინფიციროს.” – აცხადებს ექიმი დავით მდინარაძე.
Loading ...
