დღეს ხმაური და დაპირისპირება იყო ოზურგეთში. თაყაიშვილის ქუჩაზე, სამოქალაქო აქტივისტების წინააღმდეგობის მიუხედავად პრორუსულმა ორგანიზაციამ ,,კონსერვატიულმა მოძრაობამ’’ ოფისი მალულა გახსნა. აღნიშნული ოფისი სასულიერო პირმა მამა ვახტანგ თოხაძემაც აკურთხა. რომელიც პრორუსული განცხადებებითა გამოირჩევა და აღნიშნული მოძრაობის ღიად მხარდამჭერია. ადგილზე სამოქალაქო აქტივისტები იყვნენ, რომლებმაც ,,ალტ- ინფოს” წარმომნადგენლებს წინააღმდეგობა გაუწიეს, მათ შორის იყო სიტყვიერი დაპირისპირება. სახლის მეპატრონე, სადაც ,,ალტ-ინფოს ‘’ ოფისი გახსნეს ჟურნალისტებს დაუპირისპირდა და მათ ფიზიკური შეურაცხყოფა მიაყენა. სამოქალაქო აქტივისტები აცხადებენ, რომ რუსული პროპაგანდის ადგილი ოზურგეთში არ არის და მათ ოფისის გახსნისა და მუშაობის საშუალებას არ მისცემენ. სამოქალაქო აქტივისტები პერმანენტულ აქციებს აანონსებენ. ისინი ფართომასშტაბიან შეკრებას ხვალ აპირებენ.
Loading ...