ოზურგეთში დიდი საინვესტიციო ფორუმი იმართება

ამ წუთებში ოზურგეთში, ისტორიული მუზეუმის შენობაში რეგიონული საინვესტიციო ფორუმი იმართება, რომელსაც კერძო სექტორის, სამოქალაქო საზოგადოებისა და ადგილობრივი ხელისუფლების წარმომადგენლები ესწრებიან. ღონისძიების მიზანი რეგიონული და ადგილობრივი ეკონომიკის განვითარების პერსპექტივები პანდემიის შემდგომ პერიოდში  წარმოჩენა და ადგილობრივი მეწარმეებისთვის, პოტენციური ინვესტორებისთვისა და საჯარო და კერძო სექტორების წარმომადგენლებისთვის დიალოგისა და დისკუსიის სივრცის შექმნაა.

ფორუმის მუშაობაში მონაწილეობას  რეგიონული განვითარებისა და ინფრასტრუქტურის მინისტრის მოადგილე მზია გიორგობიანი, გაეროს განვითარების პროგრამის (UNDP) მოქმედი ხელმძღვანელი ანნა ჩერნიშოვა და ავსტრიის განვითარების თანამშრომლობის (ADC) თბილისის ოფისის ხელმძღვანელი ალექსანდერ კარნერი იღებენ.

საჯარო და კერძო სექტორების წარმომადგენლებმა რეგიონის საინვესტიციო პოტენციალსა და თანამშრომლობის შესაძლებლობებზე იმსჯელებენ.  ლანჩხუთის, ოზურგეთისა და ჩოხატაურის მუნიციპალიტეტები კი  საინვესტიციო პროფილებს წარმოადგენენ, რომელთა შექმნაში მათ გაეროს განვითარების პროგრამა (UNDP) და ავსტრიისა და შვეიცარიის მთავრობების დაფინანსებით დაეხმარა.