ოზურგეთში დეპუტატებმა გათავისუფლება ოჯახური პრობლემების გამო ითხოვეს – საკრებულოს სხდომა გადაიდო

ხვალ, 25 აპრილს ოფიციალურად ჩანიშნული ოზურგეთის საკრებულოს რიგგარეშე სხდომა ქვორუმის არარსებობის გამო ვერ გაიმართება.

აღნიშნულის შესახებ ინფორმაცია დღეს ბიუროს სხდომის მიმდინარეობისას გაჟღერდა. საკრებულოს თავმჯდომარის მოადგილემ ლავრენტი ბიგვავამ განაცხადა, რომ ათეულობით დეპუტატმა საკრებულოს აპარატს მოხსენებითი ბარათით მომართა და განთავისუფლება ოჯახური თუ პირადი პრობლემების გამო ითხოვა. დღესვე ბიუროს სხდომაზე მუნიციპალიტეტის საკუთრებაში არსებული ქონების გასხვისების საკითხზე იმსჯელეს. საუბარია მეორად ფილებზე, რომელიც საპატრიარქოს თხოვნით შრომაში მშენებარე ტაძარის მოპირკეთებას მოხმარდება. დღესვე ბიუროს სხდომაზე გაჟღერდა, რომ ოზურგეტის საკრებულოს რიგგარეშე სხდომა 25 აპრილის ნაცვლად 30 აპრილს 16 საათზე გაიმართება.