ოზურგეთში დამოუკიდებლობის დღეს აღნიშნავენ

26 მაისი მასშტაბურად აღინიშნება ოზურგეთში. თეატრალურ მოედანზე და ჭადრების ბაღში მთელი დღის განმავლობაში სხვადასხვა სახის საზეიმო და შემეცნებითი ღონისძიებები მიმდინარეობს. ქალაქის ცენტრში საქართველოს დამოუკიდებლობის დღისადმი მიძღვნილი საგამოფენო სივრცეებია მოწყობილი, რომელთა დათვალიერება ნებისმიერ მსურველს შეუძლია. დღეს, ოზურგეთში დამოუკიდებლობის დღის აღსანიშნავად რიგითი მოქალაქეები, ოზურგეთელები გამოვიდნენ, რომელთათვისაც ეს დღე ძვირფასი და მნიშვნელოვანია. აქვე იმართება კონცერტი ადგილობრივი ფოლკლორული და ქორეოგრაფიული ანსამბლების მონაწილეობით. 17:10 სთ – შესრულდება ევროკავშირის და საქართველოს ჰიმნები, რომელიც საქართველოს დამოუკიდებლობის გამოცხადების მიეძღვნება. მოგვიანებით კი დასკვნითი კონცერტი მოწვეული სტუმრების მონაწილეობით გაიმართება. აჩიკო ნიჟარაძე, სოფო გელოვანი, თემურ თათარაშვილი, ნოდარიკო ხუციშვილი ბენდთან ერთად იმღერებენ. 26 მაისის აღნიშვნა ბუშტებისა და ფერადი ფოიერვერკის გაშვებით დასრულედება. ოზურგეთში 26 მაისის ღონისძიებები მთავრობის ადმინისტრაციის ორგანიზებით და სამინისტროების ჩართულობით იმართება. ოზურგეთის ღონისძიება დევნილთა, შრომის, ჯანმრთელობისა და სოციალური დაცვის სამინისტროს ჩართულობით ტარდება.