ოზურგეთში ფქვილის საწარმო “გურია ექსპრესის” თანამშრომელთა გაფიცვა უკვე 21 დღეა გრძელდება. გაფიცულები დაბალ ანაზღაურებას და არასათანადო შრომით პირობებს აპროტესტებენ. დასაქმებულების ინფორმაციით, თურქული კომპანიის მეპატრონეები დღეს გაფიცულებს უნდა შეხვედროდნენ და კონსესუსის მისაღწევად მოლაპარაკებები უნდა დაეწყოთ. ამის ნაცვლად კი, გაფიცულებისვე თქმით, კომპანიამ საწარმოში თურქეთის მოქალაქეები შეიყვანა და პროდუქციის ერთჯერადად გატანას აპირებს. აღნიშნულის დაშვებას პროტესტის მონაწილეები არ აპირებენ და აცხადებენ, რომ აქცია უფრო მასშტაბურ ხასიათს მიიღებს, დაიდგმება კარვები და გაგრძელდება იქამდე, ვიდრე კომპანია კომპრომისზე არ წამოვა. თავად “გურია ექსპრესის” წარმომადგენლები ჯერჯერობით მედიასთან არ გამოჩენილან.
კომენტარები
Loading ...