ოზურგეთში კურორტ ბახმაროსთან, მდინარე ბახვისწყალზე დაგეგმილი ჰესის “ბახვი 1″ პროექტის მორიგი განხილვა გაიმართა. კურორტთან ჰესის აშენებას კომპანია ”სი სი ეიჩ ჰაიდრო VI” გეგმავს. მისი წარმომადგენლების თქმით, ჰესი მცირე ზომის, 12 მგვტიანი იქნება, გარემოზე ზემოქმედება კი მინიმუმამდე იქნება დაყვანილი.შეხვედრაზე მყოფი არასამთავრობო სექტორის თქმით, პროექტი სხვადასხვა ტიპის დარღვევებით წარიმართა. გარემოსდაცვითი ორგანიზაცია ”ეკოს” განცხადებით, პროექტის დოკუმენტაცია წარდგენილია ვადების დარღვევით, ასევე ჰესის ტერიტორია კურორტ ბახმაროს დამტკიცებულ საზღვრებში ექცევა. არ არის გამოკვლეული რა გავლენას მოახდენს ელექტროჰესი ეკოსისტემასა და ბიომრავალფეროვნებაზე,
კომპანიის წარმომადგენლები კი აცხადებენ, რომ ჰესის მშენებლობის პროცესი კანონის სრული დაცვით წარიმართება, რაც შეეხება ეკოლოგიურ საფრთხეებს, კომპანიის თქმით, ”სი სი ეიჩ ჰაიდროს VI” უცხოელ ექსპერტებს დაიქირავებს, რომლებიც ეკოლოგიურ მიმართულებას, ამ მხრივ არსებულ საფრთხეებს შეისწავლიან და პროექტი მათი რეკომენდაციების შესაბამისად წარმართება.
კომენტარები
Loading ...