ოზურგეთში ,, ალტ-ინფოს’’ ოფისის გახსნა კიდევ ერთხელ გააპროტესტეს

დღეს, ოზურგეთში ,, ალტ ინფოს’’ ოფისის გახსნა კიდევ ერთხელ გააპროტესტეს. რიგითი მოქალაქეები, სამოქალაქო აქტივისტები და სხვადასხვა პარტიების წარმომადგენლები ჭადრების ბაღში შეიკრიბნენ და რუსულ პროპაგანდისტულ მანქანას კიდევ ერთხელ უთხრეს არა. მოგვიანებით აქციის მონაწილეები ე. წ. ,, ალტ -ინფოს’’ ოფისისკენ გაემართნენ და იქედან მიმართეს საზოგადოებას. მათ განაცხადეს, რომ მოღალატეების პარტიას გურიაში და ოზურგეთში მხარდამჭერები ვერ ეყოლება. ეს ოფისი კი მუდამ დაკეტილი იქნება. ,, ალტ-ინფო’’ გურიაში ფეხს ვერ მოიკიდებს – განაცხადეს აქციის მონაწილეებმა.