ოზურგეთი ნოდარ დუმბაძის სახელობის მესამე საერთაშორისო თეატრალურ ფესტივალს უმასპინძლებს

2022 წლის 5-15 ივლისს ოზურგეთის სახელმწიფო დრამატული თეატრი ნოდარ დუმბაძის სახელობის მესამე საერთაშორისო თეატრალურ ფესტივალს უმასპინძლებს, რომელშიც მონაწილეობას მიიღებს – უცხოეთის 8 ქვეყანა 9 სპექტაკლით, ხოლო საქართველოდან 15 თეატრი -17 სპექტაკლით.

ოზურგეთის თეატრი ფესტივალზე წარმოდგენილია ორი სპექტაკლით: ელენე მაცხონაშვილის საავტორო სპექტაკლი ,,ცის კარი” (5 ივლისი-18:00 საათი, მცირე სცენა) და ნიკოლოზ საბაშვილის საავტორო სპექტაკლი „რესპუბლიკა გურია“ (15/07 20:00 დიდი სცენა ).

წლევანდელი ფესტივალი განსაკუთრებული და გამორჩეული იქნება არა მარტო მდიდარი პროგრამით, არამედ მასშტაბით, რაც შესაძლებელს გახდის ოზურგეთის თეატრის სამ განსხვავებულ სივრცეში ფესტივალის მანძილზე საზოგადოებამ ნოდარ დუმბაძის ნაწარმოებებზე, ასევე ქართველი კლასიკოსი მწერლების (არა დრამატურგების) შემოქმედებაზე შექმნილი 26 სპექტაკლი იხილოს.

ფესტივალის ასეთი მასშტაბურობა განაპირობა ორმა ფაქტორმა: ოზურგეთის სახელმწიფო დრამატული თეატრის ინფრასტრუქტურამ, რომლის რეაბილიტაციაც მსოფლიო სტანდარტების დონეზე საქველმოქმედო ფონდის ,,ქართუ“ ინიციატივითა და პატრონაჟით განხორციელდა და საქართველოს კულტურის, სპორტისა და ახალგაზრდობის მინისტრის, ქალბატონი თეა წულუკიანის განსაკუთრებულმა მხარდაჭერამ, რისთვისაც დიდ მადლობას მოვახსენებთ ქალბატონ თეა წულუკიანს, ფესტივალის ორგანიზატორებსა და სპონსორებს.

ფესტივალზე გაიცემა საკმაოდ სოლიდური პრიზი. კონკურსში მასპინძელი თეატრი არ მონაწილეობს. მნიშვნელოვანია, რომ ფესტივალში მონაწილეობს უკრაინა – ლვოვის მარია ზანკოვეცკას სახელობის ნაციონალური აკადემიური დრამატული თეატრი. ფესტივალის სტუმრები არიან თეატრებისა და ფესტივალების საერთაშორისო ასოციაციის ETA დამფუძნებლები და წევრები – ჩატარდება ასოციაციის კონგრესი, რომელშიც მონაწილეობას მიიღებს ოკუპირებული ხერსონის დრამატული თეატრის ხელმძღვანელი ოლექსანდრ კნიგა.

ფესტივალი ტრადიციულად 14 ივლისს, ნოდარ დუმბაძის დაბადების დღეს ეწვევა ჩოხატაურს, სადაც გაიმართება ჩოხატაურის სახალხო თეატრის სპექტაკლი „

XX საუკუნის ქართული მწერლობის ერთ-ერთი თვალსაჩინო წარმომადგენლის ნოდარ დუმბაძის სახელობის საერთაშორისო თეატრალური ფესტივალის მიზანი გახლავთ ხელი შეუწყოს ქართული თანამედროვე და კლასიკური მწერლობის პოპულარიზაციას, შეიტანოს გარკვეული წვლილი არადრამატურგიული ნაწარმოებების (რომანი, მოთხრობა, ნოველა) ინსცენირების ტრადიციების განვითარების საქმეში, მხარი დაუჭიროს ქართული კლასიკოსი მწერლის ნოდარ დუმბაძის სახელის უკვდავყოფას, გამოაცოცხლოს კულტურული ცხოვრება და ხელი შეუწყოს თეატრალური ხელოვნების პოპულარიზაციას გურიაში.

 

 

 

ეს არის პროგრამის საბოლოო ვერსია  – პროგრამა:

 

5/07 18:00 ოზურგეთის ალექსანდრე წუწუნავას სახელობის სახელმწიფო პროფესიული დრამატული თეატრი „ცის -კარი“, ნოდარ დუმბაძე, ელენე მაცხონაშვილის საავტორო სპექტაკლი – მცირე სცენა

19:00 ფესტივალის საზეიმო გახსნა, დიდი სცენა

 

5/07 19:30 დიდი სცენა

შოთა რუსთაველის სახელობის ეროვნული თეატრი ,,ვანო და ნიკო“, ერლომ ახვლედიანი, რობერტ სტურუას საავტორო სპექტაკლი

 

6/07 15:00 მცირე სცენა აქტობეს რეგიონული თოჯინების თეატრი ,,ალაკაი“ /ყაზახეთი/ ,,ძაღლი“, ნოდარ დუმბაძე, რეჟისორი ანტონ ზაიცევი

6/07 18:00 ექსპერიმენტული სცენა აკმოლას რეგიონული რუსული დრამატული თეატრი /ყაზახეთი/ ,,ისწავლეთ ცხოვრება ღიმილით“,ნოდარ დუმბაძე, რეჟისორი ოლღა ლუცივა

6/07 20:00 დიდი სცენა სანდრო მრევლიშვილის სახელობის თბილისის პროფესიული მუნიციპალური თეატრი ეგნატე ნინოშვილი „პარტახი“, რეჟისორი სანდრო მრევლიშვილი

7/07 15:00 ექსპერიმენტული სცენა ზესტაფონის უშანგი ჩხეიძის სახელობის პროფესიული სახელმწიფო დრამატული თეატრი „ნუ გააღვიძებ“, ნოდარ დუმბაძე, ელენე მაცხონაშვილის საავტორო სპექტაკლი

7/07 20:00 დიდი სცენა თბილისის ვასო აბაშიძის სახელობის ახალი თეატრი „გაყრა“, გიორგი ერისთავი, რეჟისორი დავით დოიაშვილი

8/07 18:00 მცირე სცენა ლვოვის მარია ზანკოვეცკას სახელობის ნაციონალური აკადემიური დრამატული თეატრი / უკრაინა/ ,,ცხოვრება პ.ს“

8/07 20:00 დიდი სცენა როკიშკისის მუნიციპალური თეატრი ,,ბავშვი“, მარიუს ივაჩკევიუსი, რეჟისორი ელიგიუს დაუგნორა

9/07 18:00 ექსპერიმენტული სცენა ზუგდიდის შალვა დადიანის სახელობის სახელმწიფო პროფესიული დრამატული თეატრი „შაშვი შაშვი მაყვალი“, თამთა მელაშვილი, ნიკა ჩიკვაიძის საავტორო სპექტაკლი

9/07 20:00 დიდი სცენა ცხინვალის ივანე მაჩაბლის სახელობის პროფესიული სახელმწიფო დრამატული თეატრი მიხეილ ჯავახიშვილი „ჯაყო“, გოჩა კაპანაძის საავტორო სპექტაკლი

10/07 15:00 დიდი სცენა – ბათუმის ილია ჭავჭავაძის სახელობის პროფესიული სახელმწიფო დრამატული თეატრი „ჰელადოს“, ნოდარ დუმბაძე, რეჟისორი პეტრე ჩარგეიშვილი

10/07 18:00 ონლაინ ჩვენება ოზურგეთის თეატრის Facebook გვერდზე ხელოვნების საყმაწვილო ცენტრი „ართ ჰოლი + „ჰელადოს“, ნოდარ დუმბაძე, რეჟისორი გოგა პიპინაშვილი

10/07 19:00 – ჩოხატაურის მუნიციპალიტეტის კულტურის ცენტრი მესხეთის (ახალციხის) პროფესიული სახელმწიფო დრამატული თეატრი „მზიანი ღამე“, ნოდარ დუმბაძე, რეჟისორი ლია სულუაშვილი

11/07 11:00 ETA -ევრაზიის თეატრალური ასოციაციის კონგრესის გახსნა ოზურგეთის ალექსანდრე წუწუნავას სახელობის სახელმწიფო პროფესიული დრამატული თეატრი

11/07 18:00 ექსპერიმენტული სცენა ბრაგის თეატრალური კომპანია /პორტუგალია „ნიშანზე“, თომას ბერნარდი, რეჟისორი რუი მადეირა

12/ 07 11:00 ოზურგეთის ალექსანდრე წუწუნავას სახელობის სახელმწიფო პროფესიული დრამატული თეატრი ETA- ევრაზიის თეატრალური ასოციაციის კონგრესი

12/07 18:00 მცირე სცენა ბრაგის თეატრალური კომპანია /პორტუგალია/ „უძლიერესი“, რეჟისორ რუი მადეირას საავტორო სპექტაკლი

12/07 20:00 დიდი სცენა თელავის ვაჟა-ფშაველას სახელობის პროფესიული სახელმწიფო დრამატული თეატრი „კაცია-ადამიანი?!“,ილია ჭავჭავაძე, რეჟისორი ლევან წულაძე

13/07 15:00, დიდი სცენა კაშკადარინის მუსიკალურ დრამატული თეატრი /უზბეკეთი/ „ჰელადოს“, ნოდარ დუმბაძე, რეჟისორი კახა გოგიძე

13/07 18:00 ექსპერიმენტული სცენა ისტამბულის – მალთეფეს მუნიციპალური თეატრი /თურქეთი/ „კაცობრიობა აქ არის შენთვის“, თოიგან ორბეი, რეჟისორი დერმან ატიკი

13/07 20:00 დიდი სცენა – თბილისის ნოდარ დუმბაძის მოზარდ მაყურებელთა სახელმწიფო პროფესიული თეატრი რევაზ მიშველაძე „არ დამივიწყო“,რეჟისორი დიმიტრი ხვთისიაშვილი

14/07 15:00 დიდი სცენა , სოხუმის მოზარდ მაყურებელთა პროფესიული სახელმწიფო თეატრი ,,თეთრი ტალღა“ „მარშალ დე ფანტიეს ბრიალიანტი“, რევაზ გაბრიაძე,რეჟისორი გოგა ქაჩიბაია

14/07 20:00 ჩოხატაურის კულტურის სასახლე, ჩოხატაურის მუნიციპალიტეტის კულტურის ცენტრთან არსებული სახალხო თეატრი „ხაზარულა“, ნოდარ დუმბაძე, რეჟისორი გოჩა ხვიჩია

15/07 15:00 მცირე სცენა ოზურგეთის ალექსანდრე წუწუნავას სახელობის სახელმწიფო პროფესიული დრამატული თეატრი „ცის – კარი“, ნოდარ დუმბაძე, ელენე მაცხონაშვილის საავტორო სპექტაკლი

15/07 11:00 ETA ევრაზიის თეატრალური ასოციაციის კონგრესის დახურვა ოზურგეთის ალექსანდრე წუწუნავას სახელობის სახელმწიფო პროფესიული დრამატული თეატრი

15/07 20:00 დიდი სცენა ოზურგეთის ალექსანდრე წუწუნავას სახელობის სახელმწიფო პროფესიული დრამატული თეატრი, „რესპუბლიკა გურია“, ნიკოლოზ საბაშვილის საავტორო სპექტაკლი

 

ბილეთები იყიდება სალაროში, ასევე საიტზე www.biletebi.ge

სალარო ღიაა ყოველდღე 12:00 სთ-დან 15:00 სთ-მდე

 

ფესტივალზე (5-15 ივლისი) დამსწრე, აქტიური მაყურებლისთვის, სპექტაკლებზე, რომელთა ჩვენებაც გაიმართება დიდ სცენაზე გათვალისწინებულია გამარტივებული, შეღავათიანი ბილეთების პაკეტი. წინასწარი დაჯავშნა დაწყებულია, გვაქვს სოციალური პაკეტებიც, დაინტერესების შემთხვევაში დარეკეთ: თეატრის ადმინისტრაცია 599 19 52 84