ოზურგეთი–თბილისის მატარებელი ლიანდაგებს მოწყდა

დღეს დილით ოზურგეთიდან თბილისის მიმართულებით მიმავალი მატარებელი, სოფელ გურიანთასთან ლიანდაგებს მოსწყდა და გზის გაგრძელება ვეღარ შეძლო. ადგილზე საქართველოს რკინიგზის დასავლეთ საქართველოს წარმომადგენლები იმყოფებიან. მათი თქმით, პირველადი დათვალიერების საფუძველზე დაზიანება ლიანდაგზე შეინიშნება, რამაც აღნიშნული შემთხვევა გამოიწვია. როგორც თავად აცხადებენ, ვითარებას უახლოეს ხანში შეისწავლიან და საბოლოო დასკვნას ამის შემდეგ დადებენ. შემთხვევის შედეგად არავინ დაზიანებულა.