სამოქალაქო განათლების ოლიმპიადას ახორციელებს სამოქალაქო განათლების პედაგოგთა ფორუმი და ესტონეთის ხელისუფლება. დღევანდელი შეხვედრა იყო საინფორმაციო და მიზნად ისახავდა მოზარდების ინფორმირებას გაეროს მდგრადი განვითარების 17 მიზნის შესახებ. ასევე ცნობიერების ამაღლებას მდგრადი განვითარების მიზნებსა და პრობლემურ საკითხებთან დაკავშირებით. საზოგადოების ჩართულობა და ინფორმირება არის პირველი და აუცილებელი კომპონენტი სამოქალაქო ცნობიერების ამაღლების საქმეში . შეხვედრაზე დეტალურად განიხილეს 17 მიზანი. იქვე აღინიშნა, რომ წელს N 2 სკოლამ განახორციელა სასკოლო პროექტი ,,ეკოგურულები”, რომელიც თემატურად ეხმაურება გაეროს გლობალურ მიზნებს. დღევანდელი შეხვედრა ოზურგეთის ინოვაციებისა და ტექნოლოგიების ცენტრში გაიმართა.
,, ტექნოლოგიური მხარდაჭერისა და სივრცის გამოყენებისთვის ძალიან დიდ მადლობას ვუხდით ცენტრს,მის ხელმძღვანელს ავთო თავდიშვილს ასევე მადლობა მხარდაჭერისთვის ჩვენი სკოლის ვორქლაბის ხელმძღვანელს ტექნოლოგიების ცენტრში ზუკა ანდღულაძეს. მადლობა ჩვენს სკოლას და სკოლის დირექტორს, ფატი სიორიძეს მხარდაჭერისთვის. თაკო ასათიანს, ელენე კალანდაძეს და ნათია ვასაძეს, ყოჩაღ და ნიჭიერ გოგოებს კი მესამე ტურშიც გამარჯვებას ვუსურვებ” – N 2 საჯარო სკოლის სამოქალაქო განათლების პედაგოგი , მარი არეშიძე.
Loading ...