სააქციო საზოგადოება “იმედის” ე.წ. უნივერმაღის დირექტორს ოლეგ გობრონიძეს დღეს თავს დაესხნენ.
შემთხვევა დღეს, შუადღის საათებში მოხდა. მას ფეხში ნაჯახით აქვს ჭრილობა მიყენებული. გავრცელებული ინფორმაციით, თავდამსხმელი სააქციო საზოგადოების ერთ-ერთი აქციონერი იყო. ის გობრონიძეს უნივერმაღის მიმდებარე ტერიტორიაზე ჩაუსაფრდა და ნაჯახით თავს დაესხა. არსებული ინფორმაციით, მათ შორის კონფლიქტი ადრე დაიწყო და ფინანსებს უკავშირდება. აქციონერი დირექტორისგან დიდი რაოდენობის თანხას ითხოვდა. დაზარალებული სასწრაფო სამედიცინო სამსახურმა კლინიკა “მედალფაში” გადაიყვანა. მას კოჭ-წვივის არეში ბასრი საგნით მიყენებული ჭრილობა აღენიშნება. პაციენტის ჯანმრთელობის მდგომარეობა საშუალო სიმძიმისაა და მას სხვადასხვა გამოკვლევა ჩაუტარეს.
თავდასხმის ფაქტთან დაკავშირებით პოლიციამ 1 პირი დააკავა.
გამოძიება სისხლის სამართლის კოდექსის 126-ე მუხლით მიმდინარეობს. საქართველოს სისხლის სამართლის კოდექსის თანახმად, დანაშაული ისჯება თავისუფლების შეზღუდვით ვადით ორ წლამდე ან თავისუფლების აღკვეთით ვადით ერთიდან სამ წლამდე.
Loading ...