დღეს, საღამოს კორონავირუსი ოზურგეთის სოციალური მომსახურების სააგენტოს ხელმძღვანელს,თეა ლომჯარიას დაუდასტურდა. აღნიშნულის შესახებ ინფორმაცია სააგენტოს უფროსმა ექსკლუზიურად ,,გურია TV” მისცა. თეა ლომჯარია თავს კარგად გრძნობს, მას უსიმპტომო ვირუსი აქვს და იზოლაციის პერიოდს სახლში გაატარებს. ეს რიგით მეათე შემთხვევაა აღნიშნულ სამსახურში. პირველად ვირუსი აგენტებს დაუდასტურდათ. სააგენტოში კორონა ვირუსის გავრცელების გამო სამსახური მუშაობის ჰიბრიდულ რეჟიმზეა გადასული და კონტაქტურად , მოსახლეობის უსაფრთხოებიდან გამომდინარე მხოლოდ კანცელარია მუშაობს.