ოზურგეთის სასამართლომ არ დააკმაყოფილა ახალგაზრდა იურისტთა ასოციაციის სარჩელი. პროცესზე, რომელიც ცოტა ხნის წინ დასრულდა, საია გურიის რეგიონის სამივე საოლქო კომისიას ხმის ფარულობის პრინციპის დარღვევას ედავებოდა და ამ საფუძვლით 86 ელექტრონული პრინციპით მოწყობილი საარჩევნო უბნის შემაჯამებელი ოქმების ბათილას ცნობას ითხოვდა. მოსარჩელე მხარის მთავარი არგუმენტი ბიულეტენზე მარკერით სასურველი პარტიის შსსაბამისი რგოლის გაფერადების დროს მეორე მხარეს ფერის გამოჟონვა იყო. საია მიიჩნევს რომ ამით ხმის ფარულობის პრინციპი დაირღვა. მოსამართლემ არ გაიზიარა მოსარჩელე მხარის მტკიცებულებები და სასარჩელო მოთხოვნა არ დააკმაყოფილა. როგორც საიას ადვოკატი ამბობს, გადაწყვეტილებას სააპელაციო სასამართლოში გაასაჩივრებენ.
კომენტარები
Loading ...