ოზურგეთის N60 საოლქო – საარჩევნო კომისიის თავმჯდომარე შეიცვალა. თამთა გიორგაძე აღნიშნულ პოზიციაზე ბერდია ლომიძემ ჩაანაცვლა. ლომიძე საარჩევნო კომისიის წევრად 9 ივნისს აირჩიეს, ხოლო გუშინ, მას შემდეგ რაც საოლქო კომისიის თავმჯდომარემ თამთა გიორგაძემ პოსტი საკუთარი განცხადების საფუძველზე, ოჯახური მდგომარეობის გამო დატოვა, კომისიის უმრავლესობის მიერ ოლქის თავმჯდომარედ ბერდია ლომიძე იქნა არჩეული.
ბერდია ლომიძე სხვადასხვა დროს კერძო სტრუქტურებში და არასამთავრობო ორგანიზაციებში მუშაობდა. ასევე, ის ხშირად ჩნდებოდა სალომე ზურაბიშვილის საარჩევნო შტაბშიც, თუმცა დღეს ამბობს, რომ შტაბში მხოლოდ მეგობრებთან ერთად მიდიოდა და ოფიციალურად დასაქმებული არასდროს ყოფილა. მისი თქმით, არჩევნების პროცესს ის სხვადასხვა არასამთავრობო ორგანიზაციის წევრის პოზიციიდან აკვირდებოდა.
რაც შეეხება თამთა გიორგაძეს, ის ოლქს რვა თვის მანძილზე, ოქტომბრის თვიდან დღემდე ხელმძღვანელობდა და დღეიდან კომისიის წევრად გადაინაცვლებს.
Loading ...