ოზურგეთის საკრებულოში ხუთი კომისიის თავმჯდომარეობის კანდიდატები დასახელდნენ

ოზურგეთის მუნიციპალიტეტის ახალი მოწვევის საკრებულოში ხუთი კომისია შეიქმნება.

განათლების, კულტურის, სპორტის, ახალგაზრდულ საქმეთა, ჯანმრთელობისა და სოციალურ საკითხთა კომისიის თავმჯდომარე ტატა ბარამიძე იქნება.

სივრცით-ტერიტორიული დაგეგმარების და ინფრასტრუქტურის კომისიას დავით ჭაკნელიძე უხელმძღვანელებს.

სამანდატო, საპროცედურო, იურიდიულ საკითხთა და ეთიკის კომისიის თავმჯდომარედ მარიკა ჩხიკვიშვილია წარდგენილი.

საფინანსო-საბიუჯეტო კომისიას  გელა ჩავლეშვილი უხელმძღვანელებს. ხოლო  აგრარულ საკითხთა, ქონების მართვისა და ბუნებრივი რესურსების საკითხების კომისიას – ბექა თოიძე.

ამ წუთებში აღნიშნული კომისიების თავმჯდომარეების არჩევის პროცესი მიმდინარეობს.