ოზურგეთის რომელ ბაღებში არ განახლდება სააღმზრდელო-სასწავლო პროცესი

ორშაბათიდან სასწავლო-სააღმზრდელო პროცესი ნაგომრისა და შემოქმედის საბავშვო ბაღებში ვერ განახლდება.

ოზურგეთის სკოლამდელი სააღმზრდელო ცენტრის დირექტორის, მაკა ჭყონიას თქმით, ნაგომრის საბავშვო ბაღის შენობა ხანძრისგანაა დაზიანებული, მიმდინარეობს ალტერნატიული ფართის ძიება, რათა სასწავლო პროცესი უახლოეს მომავალში განახლდეს.

მისივე განცხადებით, შემოქმედის საბავშვო ბაღში სააღმზრდელო პროცესი დაახლოებით ორ კვირაში,მიმდინარე სარემონტო სამუშაოების დასრულებისთანავე დაიწყება.

რაც შეეხება ოზურგეთის მუნიციპალიტეტის ტერიტორიაზე არსებულ სხვა საბავშვო ბარებს, 4 ოქტომბრიდან კოვიდ-რეგულაციების დაცვით სააღმზრდელო პროცესი ყველა მათგანში განახლდება.