ოზურგეთის რესტორანში პოლიციელის ცემის ფაქტზე დაკავებულ ორ პირს აღკვეთის ღონისძიების სახით პატიმრობა შეეფარდა. გადაწყვეტილება ცოტა ხნის წინ გამოცხადდა.
პოლიციელზე ჯგუფური ძალადობის ბრალდებით ჩოხატაურის საკრებულოს თავმჯდომარე, დავით შარაშიძე 28 იანვარს დააკავეს. აღნიშნულ ორ პირზე კი ძებნა იყო გამოცხადებული. ისინი 31 იანვარს დააკავეს. პოლიციელზე ჯგუფურ ძალადობაში ბრალდებულ ჩოხატაურის საკრებულოს ყოფილ თავმჯდომარეს, დავით შარაშიძეს კი 30 000-ლარიანი საპატიმრო გირაო შეეფარდა.
30 იანვარს ცნობილი გახდა, რომ საქმის ფარგლებში ჩატარებული საგამოძიებო მოქმედებების შედეგად, ჩოხატაურის ყოფილი გამგებელი და მოქმედი მერის მოადგილის, ბიძინა ცინცაძის მამა გია ცინცაძე დააკავეს. გავრცელებული ინფორმაციით, მისი სახლიდან იარაღი ამოიღეს.
კომენტარები
Loading ...