ოზურგეთის "მერცხალის" პირველი გამარჯვება სტუმრად

ფეხბურთში საქართველოს ეროვნული ჩემპიონატის რეგიონული ლიგის, დასავლეთ ზონის მერვე ტურში წარმატებით იასპარეზა ოზურგეთის “მერცხალმა”.

ოზურგეთელებმა სტუმრად იასპარეზეს და ბსუ დამაჯერებელი ანგარიშით, 3:1 დაამარცხეს. 

ოზურგეთელთაგან გოლები გაიტანეს – მამუკა რუხაიამ, დემეტრე აბრალამაძემ და ირაკლი გოგუაძემ.

ფრედ 1:1 ითამაშა ლიგაში მოასპარეზე კიდევ ერთმა გურულმა გუნდმა, “ჩიბათმა”, იგი სტუმრად “გონიოს” დაუზავდა.

რვა ტურის შემდეგ “მერცხალს” 9 ქულა აქვს და მეექვსე ადგილზეა. ერთი საფეხურით უკანაა “ჩიბათი”, მას 4 ქულა აქვს.  

მორიგ მატჩს “მერცხალი” სახლში 5 ივლისს გამართავს და “ზანას” უმასპინძლებს.

სახლში ითამაშებს  ლანჩხუთის “ჩიბათიც”, იგი “ოდაბადეს” უმასპინძლებს.