ოზურგეთის მერობის კანდიდატი კონსტანტინე შარაშენიძე ,,ქართულ ოცნებას” ზეწოლაში ადანაშაულებს

ოზურგეთის მოქმედი მერი, ამავე დროს მერობის დამოუკიდებელი კანდიდატი კონსტანტინე შარაშენიძე ,,ქართულ ოცნებას” ზეწოლაში ადანაშაულებს. მან აღნიშნულ საკითხთან დაკავშირებით ბრიფინგი მოაწყო და განაცხადა, რომ მმართველი პარტიის მხრიდან ხშირია დაშინებისა და ზეწოლის ფაქტები. შარაშენიძე ოპონენტებს სამართლიანი საარჩევნო კამპანიის წარმართვისაკენ მოუწოდებს. ,,აშინებენ ხალხს, ხდება მათი მოსყიდვა. სხვადასხვა კატეგორიაზეა საუბარი. ყველას გმირობას ვერ მოვთხოვთ ჩვენ და ყველანი ვერ იქნებიან მოწოდების სიმაღლეზე . ხორციელდება ფულების დარიგება დ რა ვიცი, ასეთი წესებით მოქმედებენ და ეს არ არის მიღებული. თუ მაგრები არიან მიიღონ მონაწიეობა როგორც საჭირო არის, ეს არის სუსტი პოზიციით შექმნილი ვითარება. ჰყავთ მოჭიდავეები თითქოს პარტიის ერთგულები , მე მათი მხრიდან ვერასდროს ვერ დავინახე და ვერც სახელმწიფოს მხრიდან მხარდაჭერა, შეიძლება წარმატებულნი არიან სპორტის სახეობაში, მაგრამ პოლიტიკოსობას თავი დაანებონ და კეთილინებონ და თვიანთ საქმეს მიხედონ და გაარძელონ. თავისი პროფესიით იმოღვაწეონ, ღმერთმა ხელი მოუმართონ,“- განაცხადა ოზურგეთის მერობის დამოუკიდებელმა კანდიდატმა, კონსტანტინე შარაშენიძემ. ,,ქართულ ოცნებაში” აღნიშნულ ბრალდებებს აბსურდულს უწოდებენ და დამატებით კომენტარს არ აკეთებენ.