დღეს ოზურგეთის საკრებულოს სხდომაზე მერიის სამსახურებისა და მერიის მიერ დაფუძნებული აიპების 2025 წელს გაწეული მუშაობის ანგარიშები მოისმინეს.
ძირითადად, შეფასებები პოზიტიური იყო, თუმცა გაჟღერდა რეკომენდაციები და რჩევები, რომელიც აღნიშნულმა სამსახურებმა მოისმინეს.
ამავე სხდომაზე ითქვა, რომ ოზურგეთის მერიის მიერ არსებულ 16 ვაკანტურ ადგილზე სავარაუდოდ კონკურსი გამოცხადდება და მერია ახალ საჯარო მოხელეებს მიიღებს. ადმინისტრაციის უფროსის გენო მორჩილაძის განცხადებით, მერია მუშაობს აღნიშნულ საკითხზე, რადგან თითოეული საჯარო მოხელის მუშაობა საქმიანობის ეფექტიანობის ზრდისთვის აუცილებელია.
დღევანდელ სხდომაზე ისაუბრა მერიის საფინანსო-საბიუჯეტო სამსახურის უფროსმა პავლე ჭყონიამაც, რომელმაც აქცენტი ელექტრონული ბიუჯეტის მნიშვნელობაზე გააკეთა, მისი თქმით, ეს მოდელი ხელს მეტ გამჭვირვალობას და ეფექტურობას შეუწყობს.
Loading ...