გუშინ ოზურგეთის მედალფას კლინიკაში “კოვიდ 19″ ინფიცირებული პაციენტი გარდაიცვალა. პაციენტს თანმხლები დაავადება (თირკმლის უკმარისობა) ჰქონდა. ოზურგეთის კლინიკა მრავალპროფილურია და ის კოვიდინფიცირებულებს არ ემსახურება. პაციენტს კლინიკაში შეყვანის შემდეგ აუღეს ტესტი და ის კოვიდდადებითი აღმოჩნდა. საავადმყოფის ადმინისტრაციამ მისი გადაყვანა ქუთაისში, კლინიკა ,,ბომონდში” მოითხოვა. პაციენტის მდგომარეობა უცებ დამძიმდა და თრომბოემბოლიით გარდაიცვალა. გარდაცვლილი შუა ხნის ქალბატონი დაბა ნარუჯის მკვიდრი იყო. აღნიშნულ ფაქტს გვიდასტურებს ოზურგეთის ,,მედალფას,, კლინიკის დირექტორი, დავით მდინარაძე.
ეს ოზურგეთში კორონავირუსით გარდაცვლილი მეხუთე პაციენტია.
კომენტარები
Loading ...