ოზურგეთის კლინიკა ”მედალფაში” ლაპარასკოპიული ოპერაციები წარმატებულად ტარდება

ოზურგეთის კლინიკა ‘’მედალფაში’’ ლაპარასკოპიული ოპერაციები აქტიურად და წარმატებით მიმდინარეობს.

იმისთვის, რომ ამ ტიპის მანიპულაციები მაღალ დონეზე და პაციენტისთვის მაქსიმალური სარგებლით ჩატარებულიყო, ”მედალფას” ქსელმა საკმაოდ მნიშვნელოვანი შენაძენი გააკეთა და ოზურგეთში დღეს ოპერაციები შტორცის ფირმის 2020 წლის, მესამე თაობის მაღალტექნოლოგიური აპარატით სრულდება.

როგორც კლინიკის დირექტორი დავით მდინარაძე ამბობს, საკმაოდ დიდი მნიშვნელობა ჰქონდა, მსგავსი ტიპის მაღალი დონის აპარატურასთან მაღალკვალიფიციურ პროფესიონალს ემუშავა. შესაბამისად, დღეს აღნიშნულ ოპერაციებს მედალფაში დასავლეთ საქართველოში ერთ-ერთი ყველაზე კვალიფიციური ქირურგი გიორგი გერლიანი აკეთებს.