ოზურგეთის მუნიციპალიტეტის მერიის ინფრასტრუქტურის, სივრცითი მოწყობისა და ტრანსპორტის სამსახურის უფროსად თამაზ ჩავლეშვილი დაინიშნა.
ახალი ხელმძღვანელი ოზურგეთის მერმა პაატა კუნჭულიამ სამსახურის ხელმძღვანელებს წარუდგინა. შეხვედრაზე აღინიშნა, რომ თამაზ ჩავლეშვილს ინფრასტრუქტურისა და საბანკო სფეროში მუშაობის 16-წლიანი გამოცდილება აქვს.
თამაზ ჩავლეშვილი არის ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის კურსდამთავრებული, ბუღალტერიის მიმართულებით. ამავე უნივერსიტეტში მას მიღებული აქვს მენეჯმენტის მაგისტრის ხარისხი.
კომენტარები
Loading ...