ოზურგეთის აგრარული ბაზარი ნაწილობრივ გაიხსნა. საქმიანობის უფლება იმ კომერციულ ფართებში განთავსებულ სასურსათო მაღაზიებს მიეცათ, რომელიც აგრარული ბაზრის საკუთრებას არ წარმოადგენს.
რაც შეეხება თავად ბაზრის ტერიტორიას, დირექტორის სოსო სიხარულიძის თქმით, სურსათის უვნებლობის სამსახურის მიერ გაცემული რეკომენდაციების შესრულების პროცესში არიან და ყველაფერს აკეთებენ იმისთვის, რომ ბაზარში საქმიანობის გაგრძელების უფლება სხვა მოვაჭრეებსაც მიეცეთ და ბაზრის ფუნქციონირება სრულად აღდგეს.
ამ ეტაპზე შეწყვეტილია გარევაჭრობაც, რაც ბაზარში ხილ-ბოსტნეულით მოვაჭრეებს და გარემოვაჭრებს პრობლემებს უქმნით, მათი თქმით, მათი პროდუქცია, რომელიც მალფუჭებადია, უკვე თითქმის აღარ ვარგა და ზარალში არიან.
ამ წუთებში, ოზურგეთის გარარულ ბაზარში მერიის ზედამხედველობის სამსახურისა და ა.ა.ი.პ. მომსახურების ცენტრის თანამშრომლების ხალხს დისტანციის დაცვისკენ ხმის გამაძლიერებლებით მოუწოდებენ.
Loading ...