ოზურგეთელი ძალოსანი გოგონა ოქროს მედლის მფლობელი გახდა

19 – 22 მარტს ზუგდიდში ძალოსნობაში, თხუთმეტწლამდელთა შორის ზუგდიდის ღია ჩემპიონატი გაიმართა. ასპარეზობაში მონაწილეობა ოზურგეთის მუნიციპალიტეტის სპორტულ-გამაჯანსაღებელ დაწესებულებათა გაერთიანებასთან არსებულმა ძალოსნობის სექციის ( სოფ. მერია) სპორტსმენებმა მიიღეს. აღნიშნული ჩემპიონატიდან გამარჯვებულის ტიტული და ოქროს მედალი 11 წლის მარიამ გველუკაშვილმა მოიპოვა. მარიამმა ორჭიდში ჯამში 65 კგ. დაძლია. ოზურგეთელი ძალოსნები ასპარეზობისთვის ჯუმბერ და თეიმურაზ ღლონტებმა მოამზადეს.