4-6 ივნისს ბათუმში, სხვადასხვა ასაკობრივ ჯგუფში, ტაეკვანდოში საქართველოს ჩემპიონატი გაიმართა. ასპარეზობაში მონაწილეობა ოზურგრთის მუნიციპალიტეტის სპორტულ – გამაჯანსაღებელ დაწესებულებათა გაერთიანებასთან არსებულმა ოზურგეთისა და ურეკის ტაეკვანდოს სექციის სპორტსმენებმა მიიღეს. ოზურგეთელებმა შეჯიბრზე, მიუხედავად იმისა, რომ მხოლოდ ორთვიანი ვარჯიში მოახერხეს, საპრიზო ადგილები დაიკავეს და შინ ხუთი მედალი, ერთი ვერცხლი და ოთხი ბრინჯაო წამოიღეს.
გოჩა სირაძე – 8 წლის (36 კგ) II ადგილი, ნიკა ლაბარტყავა – 8 წლის (25კგ) III ადგილი, გიორგი აროშიძე – 10 წლის (33კგ) III ადგილი – ოზურგეთის სექციის სპორტსმენები, მწვრთნელი : ირაკლი ტუღუში.
ია მჟავია – 9 წლის (31 კგ) III ადგილი, გეგე გობრონიძე – 8 წლის (27 კგ) III ადგილი – ურეკის სექციის სპორტსმენები, მწვრთნელი – გიორგი ბერიძე. ჯამში შეჯიბრში მონაწილეობა მთელი საქართველოდან ხუთასზე მეტმა სპორტსმენმა მიიღო.
Loading ...