თბილისში, იოსელიანის სახელობის მძლეოსანთა სასახლემ, მძლეოსნობაში ზამთრის ღია ეროვნულ ჩემპიონატს უმასპინძლა. აღნიშნულ ჩემპიონატში ოზურგეთის მუნიციპალიტეტის სპორტულ – გამაჯანსაღებელ დაწესებულებათა გაერთიანაბასთან არსებულმა მძლეოსანთა სექციის ნაკრებმა გუნდმაც, მარინე კოტრიკაძის ხელმძღვანელობით, მიიღო მონაწილეობა. ოზურგეთელმა სპორტსმენებმა ჩემპიონატზე წარმატებით იასპარეზეს და საერთო ჯამში – ორი ოქრო, ოთხი ვერცხლი და ერთი ბრინჯაო მოიპოვეს. საქართველოს ჩემპიონის ტიტული და ორი ოქრო, მძლეოსნობის ორ სახეობაში (ბირთვის კვრა 4 კგ. და ბადროს ტყორცნა 1 კგ. , მწვრთნელები დავით მანთიძე, მარინე კოტრიკაძე ) სოფიკო შათირიშვილმა მოიპოვა. მეორე საპრიზო ადგილი და ვერცხლის მედალი, უროს ტყორცნაში ( 7 კგ.) გოგა ჭიხვარიამ აიღო. ასევე ორი ვერცხლით დაბრუნდა შინ გიორგი დეკანოიძე. მან თავი სამხტომსა და სიგრძეზე ხტომაში გამოიჩინა. მეორე საპრიზო ადგილი და ვერცხლის მედალი აიღო , 1500 მ რბენაში , ანანო ცინცაძემ. რაც შეეხება მესამე საპრიზო ადგილს, მისი მფლობელი, ბადროს ტყორცნაში ( 1 კგ ) ქეთევან მამალაძე გახდა.
Loading ...