ნოემბრიდან Wizzair-ი ქუთაისიდან დორტმუნდის, კატოვიცესა და ვილნიუსის ფრენებს განაახლებს. ამის შესახებ საქართველოს მთავრობის დადგენილებაში წერია. გაგრძელდება ქუთაისი-რიგის რეისებიც.
გარდა ამისა, მიუნხენის, პარიზის და რიგის გარდა, თბილისიდან რეგულარული ფრენები დაინიშნება დოჰას, ვარშავის, ათენის, ამსტერდამის, ვენის, ბერლინის და მილანის მიმართულებით.
1 ნოემბრიდანვე, საქართველოში შემოსული მგზავრები PCR ტესტის წარდგენის სანაცვლოდ სავალდებულო კარანტინს აღარ გაივლიან. ისინი თვითიზოლაციაში უნდა გადავიდნენ.
ბოლო ორი დღეა, საქართველოში ყოველდღიურად კორონავირუსის 1000-ზე მეტი შემთხვევა დასტურდება. ქვეყანაში საჰაერო ცა მაშინ დაიკეტა, როცა ჯამში 48 შემთხვევა იყო გამოვლენილი.
ბოლო ორი დღეა, საქართველოში ყოველდღიურად კორონავირუსის 1000-ზე მეტი შემთხვევა დასტურდება. ქვეყანაში საჰაერო ცა მაშინ დაიკეტა, როცა ჯამში 48 შემთხვევა იყო გამოვლენილი. აგვისტომდე რეგულარული ფრენები არ აღდგენილა, მაშინ როცა, ევროპის ყველა ქვეყანამ საზღვრები გახსნა. აგვისტოში საქართველომ მხოლოდ სამ ქალაქში დანიშნა რეგულარული ფრენა – ჯამში თვეში დაახლოებით 20 ფრენა. სულ თვეში 50-60 ფრენა სრულდებოდა, რასაც მმართველი გუნდი “გახსნილ საზღვრებს” უწოდებდა. აღსანიშნავია, რომ გერმანიის, საფრანგეთის და ბალტიის ქვეყნების მოქალაქეების და მუდმივი რეზიდენტების გარდა, საქართველოში შემოსული მგზავრი სავალდებულო ორკვირიან კარანტინს გადიოდა.
- ოქტომბრის თვის ყველა დადასტურებული ფრენა (განრიგი)
- ოქტომბერში მილანში, ვარშავაში, სტამბოლში, კიევში, მინსკში გაფრენას შეძლებთ, ჩამოფრენას ვერა
აღსანიშნავია, რომ ინფიცირების შემთხვევების მატების გამო, გერმანია საქართველოს მოქალაქეებს ტურისტული მიზნით აღარ უშვებს. ასევე, სავალდებულო თვითიზოლაციას ითხოვს ლიტვა და ლატვია.
აღსანიშნავია, რომ ინფიცირების შემთხვევების მატების გამო, გერმანია საქართველოს მოქალაქეებს ტურისტული მიზნით აღარ უშვებს. ასევე, სავალდებულო თვითიზოლაციას ითხოვს ლიტვა და ლატვია.
Loading ...