ნოდარ დუმბაძის სკვერის ნაწილი არ გაიყიდება – ამის შესახებ მამუკა მდინარაძემ განაცხადა

ჩოხატაურში ნოდარ დუმბაძის სკვერის ნაწილი აღარ გაიყიდება. ამის შესახებ პარლამენტში სიტყვით გამოსვლისას მამუკა მდინარაძემ განაცხადა:

”კანონის მიხედვით, სკვერში შეიძლება აშენებულ იქნას მხოლოდ საერთო სარგებლობის საზოგადოებრივი მნიშვნელობის შენობა, თემა არის ამით დახურული, ვერავინ ამ ადგილს ვერ გაყიდის. წავიმუშავეთ 5 წუთი ამ თემაზე და ფიზიკურად პრაქტიკაში შეუძლებელია სკვერის ნაწილი გაიყიდოს. იქ იყიდებოდა 295 კვ. სკვერი სულ 2000 კვ.მ. –ია. ჩვენს მუნიციპალიტეტებს და საკრებულოებს ვთხოვ დღეიდან გაითვალისწინონ, თქვენ კი ისწავლეთ როგორ გააპროტესტოთ. სკვერის გაყიდვა იმ მიზნით, რომ იქ რაღაც აშენდეს, არის შეუძლებელი და ვერ გაიყიდება. ეს იქნება მაგალითი ყველასთვის”

შეგახსენებთ, რომ ჩოხატაურის მუნიციპალიტეტის მერიამ სკვერის ნაწილს განუსხვისებელი ქონების სტატუსი ჩამოართვა და აღნიშნული 295 კვ.მ–ის გასხვისებას გეგმავდა, სადაც ”საქართველოს ბანკის” ფილიალი უნდა აშენებულიყო. აღნიშნულ თემას ოპოზიციასა და საზოგადოებაში მძლავრი პროტესტი მოჰყვა. დღეს კი,”ქართული ოცნების” განცხადებით სკვერის ნაწილი აღარ გაიყიდება.

კომენტარები