“ნაციონალური მოძრაობა“ ხელისუფლებაში ვეღარ დაბრუნდება, ამის არანაირი შანსი არ აქვთ – ბიძინა ივანიშვილი

„ნაციონალური მოძრაობა“ ხელისუფლებაში ვეღარ დაბრუნდება, ამის არანაირი შანსი არ აქვთ. მათ ქართველი ხალხი ქვეყნის მართვის ბერკეტებს ხელში აღარ მისცემს“, – განაცხადა ბიძინა ივანიშვილმა „იმედის“ პირდაპირ ეთერში.

„ამათ ანალიზის უნარიც არ აქვთ, შევარდნაძის პერიოდს ადარებენ ჩვენს მმართველობას. ისიც არ იციან, რომ ეს ასე არ არის. შევარდნაძე დაბერდა და თავისივე განცხადებით წავიდა, თან არც საკუთარი გუნდი ჰყავდა. ჩვენ ძლიერი გუნდი გვყავს, „ქართული ოცნება“ ძლიერ გუნდად ჩამოყალიბდა. მეც არ ვარ ცუდი ლიდერი და ჩვენი შევარდნაძის პერიოდთან შედარება შეუძლებელია. ვერავითარი გადატრიალება ვერ მოხდება, ეს წარმოუდგენელია. დავუშვათ და შესულიყვნენ მაშინ პარლამენტში, მერე რას მიიღებდნენ? – ვადამდელ საპარლამენტო არჩევნებს და მერე? – მოიგებდნენ?! – ჩვენ მათზე ბევრად ძლიერები ვართ. ამათ ჰგონიათ, რომ რამე შეუძლიათ, სწორედ ამიტომ ვამბობ, რომ ანალიზის უნარი არ აქვთ“, – აცხადებს ბიძინა ივანიშვილი.

მისივე თქმით, იგი ერთი წლის წინ საზოგადოებისთვის მიცემულ პირობას ასრულებს და ეს წინსვლა შესამჩნევია. ქვეყნის ფაქტობრივ მმართველს არ დაუკონკრეტებია, ქართველმა ხალხმა ეს წინსვლა სად უნდა ეძებოს.

2020news.ge