ნანუკას ფონდის დამფუძნებლის, ნანუკა ჟორჟოლიანის სახლში პროკურატურის წარმომადგენლები ჩხრეკის ჩასატარებლად მივიდნენ. ინფორმაციას თავად ჟორჟოლიანი ავრცელებს.
“ჩხრეკაზე მოვიდნენ ჩემთან. ყველა ფონდის დამფუძნებელთან შევიდნენ,“ – წერს ჟორჟოლიანი.
გარდა ამისა, ჩხრეკა მიმდინარეობს სამოქალაქო აქტივისტ მარიამ ბაჯელიძის სახლშიც. მან Facebook-ზე LIVE გაავრცელა, სადაც ჩანს, რომ გამომძიებლები სასამართლო განჩინების საფუძველზე ტექნიკის, მათ შორის მობილური ტელეფონის გადაცემას სთხოვენ. ბაჯელიძესთამ ერთად იმყოფება მცირეწლოვანიც.
პროკურატურის წარმომადგენლებმა მარიამ ბაჯელიძეს უთხრეს, რომ განჩინებაში მითითებულია სისხლის სამართლის კოდექსის 318-ე და 319-ე მუხლები, რაც იმას ნიშნავს, რომ გამოძიება საბოტაჟის და “უცხო ქვეყნისათვის, უცხოეთის ორგანიზაციისათვის ან უცხოეთის კონტროლს დაქვემდებარებული ორგანიზაციისათვის მტრულ საქმიანობაში დახმარების” საქმეზე მიმდინარეობს.
აღსანიშნავია, რომ პარლამენტმა სისხლის სამართლის კოდექსში “სამშობლოს ღალატის” მუხლის დაამატა, რომლის მიხედვითაც, საბოტაჟი და უცხო ქვეყნისთვის მტრულ საქმიანობაში დახმარება” სამშობლოს ღალატად ჩაითვლება.
Loading ...